Chapter 44

Halos isang linggo nyang hindi nakikita si Alexandros sa isla. Kadadating lang nila sa isla ng bigla itong nakatanggap ng tawag mula kay Marcus. Kinailangan nito bumalik sa manila dahil bigla raw nagka problema. Gusto sana sya nitong isama ulit pero tumanggi sya, kailangan nya magtrabaho para masustentohan ang pamilya nya. Nung una ay kinukulit sya nito pero sa huli naman ay napapayag din naman nya.

Araw-araw ito tumawag sa kanya at nagttext para kamustahin sya. Kahit malayo ito sa kanya ay lagi nitong sinisigurado na okay lang sya. Minsan kahit busy sya sa restaurant bigla na lamang lalapit sa kanya si Selena para ayain kumain sa opisina, ibilin pala sya rito ni Alexandros. Dahil ‘don ay lalo silang naging malapit ni Selena. Lagi din silang tatlo magkakasama nila Olivia. Hindi padin kasi nya nakikita si Celest. Tinanong naman nya si Selena kung asan ito pero hindi din nito alam.

“Sino nagluto nitong lunch natin?” tanong ni Olivia habang ngumunguya. Mukhang sarap na sarap ito sa kinak