Chapter 53

Nagising sya na wala pa si Alexandros, pagtingin nya sa bintana ay medyo madilim na. Mabigat ang katawan na bumangon sya at nagpunta sa closet para magpalit ng damit, napagdesisyunan nya na maglakad-lakad na lang muna sa labas habang inaantay ito. Matapos icheck ang sarli sa salamin ay ngumiti sya, nagsuot lang sya ng isang floral dress na hanggang tuhod ang haba, simple lang ‘yon pero bumagay sa kanya. Kinuha nya din ang isang flat sandals sa may closet at sinuot ‘yon.

Pagkatapos itext si Alexandros na maglalakad lang sya sa labas ay lumabas na sya ng kwarto at bumaba. Wala syang susi ng main villa pero sinarado lang nya ang main door, alam naman nya kung gaano kahigpit ang security ng isla.

Hindi padin talaga nawawala sa kanya ang humanga dito sa isla kahit pa matagal na syang nandito, para kasi talaga itong paraiso. Chineck nya ang kanyang cellphone pero wala pading reply sa kanya si Alexandros kaya ibinalik na lang nya ‘yon sa bulsa ng kanyang dress. Inilibot nya ang kanyang panin