Chapter 53: Result

"Felicity, Wake up! Triple na ang doctor's fee na sisingilin ko sa’yo kapag hindi ka pa gumising d’yan. I still have patients outside. Hoy, bayot! Gising na!"

Nadatnan kong niyuyugyog ni doktora ang wala pa ring malay na si bakla habang tinatapik ang pisngi nito. Katatapos ko lang nagpalit ng damit at medyo ramdam ko pa ang pamamanhid sa maselang parte ng katawan ko dahil sa anesthesia. It really felt different, para bang wala iyong ano ko. Sounds so silly, but that was how it feels.

Halata na sa boses ni doc na naiinis na siya kay bakla. Ako rin naman naiinis. Kung pwede nga lang pagsisipain ko na ang loka-loka dahil sa kalapastanganan niya kanina ay ginawa ko na. Hindi na talaga ako magiging mabait pero kawawa na si doktora. Hindi na alam ang gagawin niya kay Felicity.

Hindi naman daw niya pwedeng gumamitan ng ammonia dahil sa tindi ng amoy. Baka makasama sa mga pasyente niyang papasok o sinumang makaamoy sa labas. Tama naman siya dahil sensitibo ang mga pang-amoy ng karamihan sa