Chapter 55: Florentin is Having Fun

"Fancy meeting you here, Mr.Generoso," bati ni Diane na binatang kaniyang nilapitan.

Halos hindi siya makilala ng binata dahil sa labi nitong namumutok sa kapulahan at tila ba kinagat ng isang malaking langgam. Animo’y suction ang nguso nito na hindi naman ganoon nang huli niya itong makita na kasama si Finn. Hindi pa iyon katagalan.

Naalala niyang ipinakilala pa sa kaniya na isa raw kaibigan kahit parang linta kung makakapit ang babae at nang araw na iyon ay isa ring grandiyosong event at kasama pa ni Finn ang kaniya pang asawa noong si Elyana.

Pinsadahan niya ito ng tingin. Sa itsura ng babae, hindi niya maiwasan na mag-isip ng katut’wang bagay, “Kapag dinikit ko kaya siya sa salamin, didikit kaya ang nguso niya?” tanong niya sa isip at kulang na lamang ay sundan ng malutong na halakhak.

Naiinis siya sa kaharap, alam niyang mapang-asar siyang tao pero nang mga oras na iyon ay pinipigilan niya ang kaniyang bibig na magsalita ng anuman na maaaring ikagagalit ni Diane. Gusto niya lang