Chapter 56: Merriest Christmas

Maingay sa loob ng bakuran ng mga Begum dahil sa lakas ng tugtogin na nanggagaling mula sa mga naglalakihang mga speaker na ipinalabas ng ama ni Elyana mula sa Entertainment room nila. May malaking flat screen TV at pares na mikropono na halos pag-agawan ng mga kasambahay para maka-score sa sinet-up na videoke.

Lahat kasi ng maka-pe-perfect score ay may isang libong piso na makukuha mula sa kanilang mga amo kaya ganadong-ganado ang mga ito at todo birit ng mga paborito nilang mga kanta.

Isang catering service ang naghanda ng pagkain para sa kanila kaya hindi gaanong napagod sa maghapon ang mga kasambahay at matataas pa ang mga energy kahit palalim na ang gabi. Matataas ang mga energy dahil isang oras na lamang at papatak na ang alas dose at magbibigayan na ng regalo.

Walang gustong matulog. Lahat sila ay naroon at nakiki-party. Maging ang dalawang guwardiya ay naroon kaya walang bantay sa gate nang may dumating at bumusina. Halos limang minuto na siyang naroon bago niya naisip t