Chapter 29 Ang Pagkakasakit ni Judith

TULOG pa si Judith nang umalis si Storm. Kahit gustung-gusto niya itong gisingin para sabay silang mag-almusal, nagbago ang kanyang isip. Ang tagal tagal nitong umiyak kahapon kaya hindi niya maatim na istorbohin ang pagtulog nito.

Marahas na buntunghininga ang kanyang pinawalan. Nakukonsensiya siya kahit maikukonsidera niyang masamang tao siya dahil kahit isa siyang doktor ay gumagawa rin siyang hindi maganda. Oo nga at nagagawa niyang makatulong sa mga taong nangangailangan ng biglaan pero pagkatapos noon ay sisingilin niya ito ng malaki.

Ang WA lending company na pinagkakautangan din ni Judith ay kanyang pag-aari. Hindi nga lang ito maiuugnay sa kanya dahil ang inisyal ng kumpanyang iyon ay pangalan ng kanyang ina.

Wilma Agustina.

Ayaw naman niyang pagmasdan na lamang niya si Judith dahil pakiramdam niya ay sinusumbatan siya ng kanyang konsensiya. Nang una pa lang kasi ay may idea na siya kung anong pinagdaanan nito pero parang biglang nakaligtaan niya iyon nu'ng makita niya ito