Chapter 20

Paggising kinabukasan ay mabilis na naghanda si Penelope papasok sa opisina. Paglabas niya sa connecting door ay wala ng bakas ni Timothy ang naiwan sa kabilang silid. Kaya’t tuloy-tuloy s’yang bumaba sa dining area.

“Kakain ka na ba?” bungad na tanong sa kanya ng kanyang Yaya Coring.

“Oho,” maikling tugon niya bago naupo. “Anong oras ho umalis si Timothy?” tanong niya rito.

“Ay maagang-maaga. Ang bilin nga eh huwag ka raw gisingin,” anito.

Napaismid naman s’ya.

Talagang sasabihin ‘yun ng lalaki dahil mabubuking sila kung hindi. Papasok at papasok sa kwarto nila ang kanyang Yaya dahil alam nitong papasok s’ya sa araw na iyon.

“Kumain ho ba s’ya bago umalis?” muli niyang tanong.

Ngumiti naman ang may-edad na babae sa kanya bago nito sinalinan ng tubig ang baso niya. “Ibang-iba ka na, hija... Ibang-iba ka na ngayong may asawa ka na. Alam kong maasikaso ka at maalalahanin. At natutuwa naman akong kahit papaano ay magkasundo kayong mag-asawa."

Hindi naman s’ya nakaimik at nakayukong itin