Chapter 21

Ilang araw pa ang lumipas at halos hindi sila nagpapang-abot ni Timothy sa bahay. Sa tuwing uuwi siya ay wala pa ito, at kapag naman papasok siya sa trabaho ay wala na rin ito.

Sinasadya ba iyon ng lalaki para hindi niya ito makompronta o talaga lang busy ito sa trabaho nito? O baka naman talagang iniiwasan s’ya nito?

Magkagayon man, hindi na lang niya inabala ang sarili na alamin ang dahilan. Baka lalo lang lumala at mauwi pa iyon sa pagtatalo nila. Ayaw din naman niyang magkagalit silang tuluyan.

At gaya ng mga nagdaang araw, wala na naman si Timothy pag-uwi niya nang gabing iyon.

“Kakain ka na ba?” tanong ng kanyang Yaya Coring ng mabungaran niya ito sa sala pagpasok niya.

“Mamaya na lang, ‘Ya. Medyo busog pa ho ako, eh.” Matamlay na sagot niya at deretsong umakyat sa kanyang silid.

Tumigil s’ya sandali sa kwarto ni Timothy at malungkot na pinaraanan ng kanyang mga mata ang loob niyon. Wala namang nabago. It was still the same when she came there. Siya lang talaga siguro ang nakar