PAGKABABA na pagkababa ni Clyde ng minaneho niyang army truck ay ang grupo ng kapulisan at ang mga nag-uumpukang mga tao ang bumungad sa kaniya. Nabalitaan niya na nagkaroon ng patayan kanina sa isang eskinita malapit sa palengke at hindi niya inasahan na bigla siyang tatawagan ng chief of police ng Barry Hills. Hindi kasi pangkaraniwan iyon dahil tinatawagan lamang sila ng mga ito sa tuwing ang krimen ay may kinalaman sa mga taong-lobo."Captain Martin," salubong sa kaniya ni Chief Montezor, ang chief of police sa bayang iyon. Sumaludo ito sa kaniya at ganoon din ang ginawa niya rito.Pinatabi ni Chief Montezor ang mga usyosero at sinamahan siya papasok ng eskinita, doon sa crime scene.Bumungad sa kaniya ang bangkay ng isang lalaking sa tantiya niya ay nasa treinta ang edad. Bukod sa naliligo na ito sa sariling dugo ay halos humiwalay na ang ulo nito sa katawan dahil sa tindi ng tama nito sa leeg.Nilapitan niya ang bangkay at sinuri ang sugat. Nagtagis ang kaniyang mga bagang nang
"NAIPADALA na ba ang mga sundalo sa mga designated sites nila?" tanong ni Clyde kay Lieutenant Navarro. Kasama niya ito ngayon sa opisina niya at pinag-uusapan nila ang mga hakbang sa ginagawa nilang imbestigasyon sa naganap na krimen kahapon.Nagpasya sila na magsagawa ng checkpoint sa iba't ibang bahagi ng Barry Hills para masiguro ang siguridad ng lahat."Opo, Sir. May mga bantay na po sa entrance at mga posibleng exit points. Pinasama ko na rin po sa kanila ang mga trainees," sagot ni Lieutenant Navarro habang nakatayo nang tuwid sa kaniyang harapan.Tumangu-tango siya. "S'ya nga pala, pumayag na ba si Ms. Pedroso na makausap niyo siya?" tanong niya. Inutusan niya kasi ito na ito na ang kumuha ng statement ni Annie ukol sa nangyaring krimen dahil may iba siyang inaasikaso."Negative, Sir. Katulad po ng iniutos niyo kahapon, pinuntahan namin siya kagabi sa apartment na tinutuluyan niya. Pero ayaw niyang humarap sa amin kaya ang nanay lang niya ang nakausap namin," sagot naman ni Li
HINDI mapakali sa opisina si Clyde. Palakad-lakad siya sa harapan ng kaniyang mesa habang iniisip ang mga isiniwalat sa kaniya ng bago nilang witness na nakausap niya kanina nang pumunta siya sa presinto.Ayon sa witness, bukod kay Jack Manabat na isa sa mga suspek ay nakita rin nito si Mang Dante kasama ang mga tauhan nito sa talyer. Inaalalayan ng mga ito palabas ng eskinita si Annie at ang isang lalaki na bigo namang mapangalanan ng witness.Bagama't hindi tukoy ng saksi ang pangalan ng lalaki, nagawa pa rin iyong makilala ni Clyde base na rin sa pagkakalarawan nito rito. Sabi ng witness ay ito raw iyong nobyo n'ong magandang babae na nakatira roon sa lumang tenement. Malakas ang hinala niya na si Calista ang babaeng tinutukoy ng saksi dahil sa pagkakalarawan na rin nito rito. Marami rin kasi sa mga naninirahan doon sa Barry Hills ang nakakakilala kay Calista dahil sa taglay nitong pambihirang kagandahan. Hindi niya napigilan ang sarili kanina na mapailing-iling nang sabihin ng wi
MAY pag-aalalang napabuntong-hininga si Calista habang binabasa ang nakapaskil sa malaking bulletin board na inilagay sa plaza. Laman ng bulletin ang inilabas na bagong ordenansa sa kanilang bayan ukol sa ipapatupad na curfew. Sigurado siyang utos iyon ng mga sundalo ng WW-Force upang igtingan ang pagbabantay sa kanilang bayan laban sa kanilang mga taong-lobo.Ramdam at kita niya sa mga residente ang takot at pag-aalala.Umalis na siya sa harapan ng bulletin nang nagsimula nang kumapal ang tao na gusto ring mabasa ang nasa bulletin board.Paalis na siya ng plaza nang bigla na lang may humablot sa kamay niya. Napakunot siya nang makitang si Clyde iyon."Kailangan kitang makausap," sabi nito.Kinakabahan man ay pinilit niyang hindi ipahalata iyon kay Clyde. Tinanguan niya ito at saka binawi ang kamay rito. "Tungkol saan?"Bago sumagot, iginiya muna siya nito sa tabi, malayo sa mga taong naroroon sa plaza."I want you to stay away from Marcus," walang paliguy-ligoy nitong sabi.Nagpakawal
"KAILANGAN mo pa rin ba talagang bumalik sa talyer? Hindi ba dapat mas mabuti kung mag-iimpake ka na ngayon para sa pag-alis natin bukas?" tanong ni Calista kay Marcus habang naglalakad sila sa compound ng kanilang tenement."Hindi naman gano'n karami ang mga gamit ko na dapat ayusin. Saka, kung walang tao sa talyer, hindi ba't mas magiging kahinahinala iyon sa kanila?" nakangiting tugon ni Marcus.Tumangu-tango si Calista. Nauunawaan niya ang pinupunto nito."Kung ganoon sasama na lang ako sa 'yo."Umiling-iling si Marcus bilang pagtutol. "Huwag na, mas kailangan ka nila rito."Napabuntong-hininga na lamang siya at hindi na nakipagtalo dahil tama na naman ito. Bilang reyna ng kanilang tribo, hindi lamang dapat kay Marcus nakatuon ang atensyon niya.Palabas na sila ng gate nang bigla na lang may mga sundalo ng WW-Force ang humarang sa kanilang daraanan. Nagulat at nagtaka sila nang naglagay ang mga ito ng barikada sa harapan ng gate.Napaatras sila nang bigla na lang silang tinutukan ng
"WHAT do you think you're doing, Callie?!" gulat na sabi ni Clyde habang nakatitig sa masaganang dugong dumadaloy mula sa malalim na hiwa sa kamay ni Calista. Ang kanina'y kulay puting tiles na kanilang inaapakan, ngayon ay may mga patak na ng dugo.Akmang lalapitan niya na si Calista para agawin dito ang punyal subalit paatras itong lumayo sa kaniya at itinutok ang punyal sa leeg."Hindi pa rin ba ito sapat?!" umiiyak na sigaw nito sa kaniya.Hindi naman namalayan ni Calista ang paglapit sa kaniya ni Mang Dante mula sa kaniyang likuran. Mabilis nitong hinablot sa kaniya ang punyal at inihigas iyon sa tabi.Parehong nagulat sina Clyde at Mang Dante nang bigla na lang nawalan ng malay si Calista at bumagsak sa sahig. Kaagad itong dinaluhan ng mga ito."Callie! Gumising ka!" nag-aalala at natatarantang sigaw ni Clyde kay Calista. Pinasandal niya ito sa kaniyang katawan habang hawak ng isa niyang kamay ang duguan nitong palad.Pinunit naman ni Mang Dante ang dulo ng suot na t-shirt at ip
HINDI nagsalita sina Calista at Clyde sa buong panahon ng kanilang biyahe. Tahimik lamang si Calista na nakatanaw sa labas, sa madilim nang kalsada samantalang si Clyde naman ay abala sa pagmamaneho. Hindi inaasahan ni Clyde na pakikiusapan siya ni Calista na samahan niya ito ngayong gabi. Bukod kasi sa kapansin-pansin na pag-iwas nito sa kaniya simula pa noong muli silang nagkita ay alam niya rin na masama pa rin ang loob nito dahil sa ginawa niyang paghuli kay Marcus.Sa kabila ng pagtataka ay isinantabi niya na muna iyon pansamantala. Hindi rin naman kasi masamang ideya para sa kaniya ang samahan muna si Calista sa gabing iyon. Bukod sa gusto niya itong makasama ay hindi rin siya panatag na iwanan ito nang mag-isa roon sa tenement lalo pa't wala siyang tiwala sa mga kapit-bahay nito."Bakit tayo nandito?" nagtatakang tanong ni Calista sa kaniya nang iparada niya ang sasakyan sa tapat ng isang motel."Hindi kasi kita pwedeng dalhin sa amin," sagot niya habang inoobserbahan ang pali
"NEGATIVE, Sir," sabi kay General Rolando Agustin ng isa sa mga scientist ng WW-Force sabay abot sa kaniya nito ng papel kung saan nakalagay ang test result ni Marcus.Marahas na hinablot ni General Agustin ang papel at ibinagsak iyon sa kaharap na mesa habang mabigat ang paghinga. Nagagalit siya dahil ayaw niyang paniwalaan ang lumabas sa test. Nang makarating sa kaniya ang report na may nahuling taong-lobo ang mga tao niya sa Barry Hills ay labis siyang umasa na sana ay totoo nga na taong-lobo ang nahuli ng mga ito. Sa tagal kasi ng paninilbihan niya sa kanilang organisasyon ay palagi na lamang silang nabibigo na makahuli ng totoong taong-lobo.Bukod sa matinding galit niya sa mga taong-lobo dahil sa pagpatay ng mga ito sa pamilya nila ni Clyde ay mayroon ding lihim na agenda silang mga nakatataas sa organisasyon. Ang sikretong dahilan ng paghuli nila sa mga taong-lobo ay patago silang gumagawa ng pag-aaral para alamin kung paano ma-a-adapt ng isang tao ang pambihirang kakayahan ng m