Kabanata 17.2

Makalipas ang ilang oras ay naggayak na rin si Scarlett dahil dadalo siya para sa pagrelease ng unang episode nila. Tila ba biglang nawala ang kabang nararamdaman niya dahil mas nangingibabaw na ang kaba niya dahil sa pagbabanta sa kaniya ng matandang lalaki na hindi niya naman kilala.

Katulad nga nang sinabi ni Zion kanina ay inihatid siya nito sa kompanya. Sa basement na silang dalawa dumaan at dumiretso na sa isang conference room. Kompleto na lahat ng mga artista at hinihintay na lang ang oras ng paglabas ng series nila.

Excited silang lahat at kinakabahan dahil siguradong paglabas ng unang episode ay sasabog ng komento ang mga netizen. Nasa dulo si Zion, sa gitnang upuan habang nasa unahan niya naman ng kaunti si Scarlett.

Bukas na bukas, siguradong sasabog ang notification niya dahil paniguradong magugulat ang mga dati niyang fans. Ang inakala nilang patay na ay muling nagbalik at biglaan pa ang paglabas niya sa showbiz. Wala pa siyang nailalabas na statement regarding sa dati n