Kabanata 18.1

Maaga pa lamang ay nagkakagulo na sa harap ng kompanya ni Zion dahil sa mga reporters na nagmula pa sa iba’t ibang TV station. Mula nang mairelease ang first episode nila kagabi ay hindi pa rin nagbubukas ng social media si Scarlett para maihanda niya ang sarili niya dahil alam niyang magkakagulo dahil sa walang pasabi niyang pagbabalik.

Humugot siya ng malalim na buntong hininga. Isang taon niyang pinaghandaan ito kaya dapat alam niya na ang gagawin niya at hindi siya magpapaapekto sa sasabihin ng iba.

Maagang pumasok si Zion sa kompanya dahil tumawag sa kaniya ang mga empleyado niya dahil sa nangyayari sa harap ng kompanya. Hindi niya na hinintay si Scarlett dahil mas lalo lang magtataka ang lahat kapag nakita pa nilang bumaba si Scarlett sa kotse ni Zion.

Nang makababa si Zion sa kotse niya ay sinalubong siya kaagad ng mga security guard ng kompanya para maiwasan na masaktan siya o malapitan ng mga reporters.

“Mr. Grayson, do you know about her come back? Alam niyo man lang po ba n