Kabanata 62

FRED POV

Nanlaki ang mga mata ko at napalunok pa ng paulit-ulit. Tama ba ang rinig ko o nabingi lang ako dahil sa matagal na pagsisid sa ilalim ng tubig?

"T-tulog tayo? Sa kwarto ko? Sigurado ka? Seryoso ka?" Putol-putol kong tanong. Wala akong paki-alam kung magmukha man akong tanga dahil sa pinagsasabi ko. Gusto ko lang makasiguro kung tama ba talaga ang dinig ko.

"Nabingi ka na ba?"

Hindi ko na magawang tumugon. Tumitig na lang ako sa kanya. Nag-rumble na kasi ang utak ko. Kung ano-ano kaagad ang pumasok isip ko. Kaming dalawa, magkatabi sa iisang kama. Kumabog ng malakas ang dibdib ko.

"Gwin, magsalita ka naman," bagot kong sabi. Gusto ko nga na marinig ulit ang sinabi niya.

Kagat ng pang-ibabang labi ang tugon. Humigpit pa ang pagkapit niya sa batok ko at lalong dumiin ang katawan niya sa akin.

Muli akong napalunok. May pakagat labi pa kasi, sinabayan pa ng kapit na mahigpit. Hindi ko tuloy mapigil ang paggalaw ng ulong walang utak na nasa baba ko at ngayon ay bahagyang kumiski