Kabanata 92

“Dad!” Paulit-ulit ang ginawang pagtawag ni Fred sa Daddy niya. Hindi na kasi nito tinugon ang sinabi niya. Takot na takot na kami, na baka buksan nga niya ang pinto.

“Sir Franc! ‘Wag n’yo po buksan.” Sabay naming nakapa ang aming mga dibdib nang marinig ang pagpigil ni Tonyo, kay Sir Franc.

Akala kasi namin ay binuksan na nga niya ang pinto kaya hindi na siya tumugon.

“Hindi po tayo nakasisiguro kung sino ang nasa labas, Sir Franc. Kahit may mga bantay pa.”

“Oo nga po, Uncle Franc. Sabi pa naman ng mga police, wala na sila Mitch sa lugar na pinuntahan nila. Baka napasok na ang mga ‘yon dito sa hospital,” rinig naman naming sabi ni Patrick.

Mabuti na lang at matino pa rin ang pag-iisip ng dalawang lalaki, kahit nabugbog ang mga katawan dahil sa aksidente.

“Hello, Dad …”

“Fred …”

“Tama si Tonyo at Patrick, Dad. Ang sabi ni Brent, alam na rin ng taga-hospital ang kalagayan natin. Kaya wala munang pwedeng pumasok sa mga silid natin, kahit doctor at nurse. Makiramdam na muna kayo.