Kabanata 97

“Bakit ko na naman sasabihin sa’yo kung sino ang tunay na ama ng anak ko?" Ngumisi si Mitch at inangat ang baba ko, saka diniin ang hintuturo niya sa labi ko. "Alam mo, Fred, ang gwapo mo. Pero hindi ka nag-iisip! Bakit ko pa ginagawa ang lahat ng 'to, kung sasabihin ko lang din naman sa inyo kung sino ang tunay na ama ng anak ko?"

Lalo lang akong naguguluhan sa sinabi niya. Ayaw n'yang sabihin kung sino ang ama ng bata pero gusto niya na mapalapit ito sa ama niya. Ang ibig sabihin, kasama ko sa bahay ang tunay na ama ng anak niya?

“Ibang klase ka pala talagang babae, Mitch.” Napapailing ako at napangisi.

“Talagang iba!” sabat ni Gwin. Bakas ang gigil nang sabihin ang salitang ‘yon. Kaagad namang bumaling ang tingin ko sa kanya.

Nasa ganoong ayos pa rin siya. Nakaluhod habang may nakatutok na baril sa ulo nito. Pero kahit nakakatakot ang sitwasyon niya. Wala pa rin siyang takot na magsalita.

“Tatlo lang naman ang mga lalaki sa mansyon na malapit kay Fred. Si Tonyo, Patrick at Dad