CHAPTER 26

Gamit ang kamay ay sinuklay ni Michael ang buhok niya. Ngayon ay malinaw na sa kanya ang lahat. Nagkaroon na ng kasagutan ang tanong sa isipan niya limang taon na ang nakararaan. Nakita niya na ang isang bahagi ng puzzle na matagal niya nang hinahanap mula pa noon.

It is really true that the coin has two side. May dalawang bersiyon parati ang istorya. And luckily, for him, nalaman niya ang lahat.

Halos isang oras pa ang inilagi nila sa himpapawid bago sila lumapag sa airport ng Tacloban. Nakaabang na ang helicopter na maghahatid sa kanilang dalawa ni Klarisse sa lugar nila.

Napatingin siya sa katabing si Klarisse. Wala itong kibo. Ang mga mata nito ay namamaga indikasyon na katatapos lang nitong umiyak. Naaawa siya sa babae. Pero hindi pa ito ang oras para kausapin niya ito tungkol sa bagay na itinatago niya.

Bago umandar ang chopper na sinasakyan nila ay nag-dial na muna siya sa cell phone.

“Hello,” saad niya. Napatingin sa kanya si Klarisse, ngunit nang tumingin siya sa gawi n