CHAPTER 34—Abduction

Humigpit ang hawak ko sa palda ng dress ko. Hindi ko na rin mapigilan ang pamamasa sa mukha ko sa mga luhang naipon kaagad pagkakita kong magkadikit ang labi nila. Parang binuhusan ako ng malamig na tubig. Nanginig kaagad ang labi ko kaya kaagad kong kinagat ‘yon para pigilan.

Pinunasan ko ang mata ko gamit ng likod ng kamay ko at tumayo para dumiretso sa restroom.

Nanlalabo ang paningin ko at kahit na medyo marami akong natamaan na tao, pinagpatuloy ko pa rin ang pagtakbo papuntang restroom.

Tumititig lang ako sa sarili ko sa salamin habang tahimik na humihikbi dahil sa selos. Ang pangit-pangit ko! Bakit nga naman ipagpapalit ni Rome ‘yung si Kayne sa akin? Bakit nga ba niya ako pipiliin?

Kung alam ko lang na ganito ang mangyayari sana hindi ko na lang sinamahan si Rome. Ang akala ko kakain lang kami at mag-oobserba. Ang akala ko ba ayaw niya kay Kayne? Nagkakamali pala ako. Masyado lang talaga akong feeling na sa akin na lang umiikot ang affection ni Rome. Hindi nga siguro ako na