Chapter 27 - Buntis ako

Rhian's Point of View

Magkahalong saya at kaba ang naramdaman ko nang makarating ako sa condo ni Logan. Hawak-hawak ko ang resulta sa aking pagbubuntis. Hindi na ako makapaghintay na sabihin sa kanyang nagdadalangtao ako at siya ang ama. Wala akong ibang hiniling kung 'di ang matanggap niya ang batang nasa sinapupunan ko.

Huminga muna ako nang malalim bago kumatok. Ilang saglit pa ang lumipas ngunit walang nagbukas. Sinubukan ko ulit kumatok ng ilang beses ngunit walang sumasagot.

Maharan kong pinihit ang hawakan ng pintuan. Nakahinga ako nang maluwag ng malaman kong hindi nakalock iyon.

'Hmm.. nakalimutan niyang i-lock ang pintuan. Asan kaya siya?' sa isip-isip ko.

Dahan-dahang binuksan ko ang pintuan. Bumungad sa akin ang malaking sala niya ngunit wala doon ang lalaki. Nagtatakang pinagmasdan ko ang kabuoan ng kwarto. Bakit parang pambabae ang design nito?

Napansin ko ang pintuan ng isang kwarto na bahagyang nakaawang. Hindi ko masyadong makita ang nasa loob niyon. Sinubukan kong t