Chapter 31 - Hindi inaasahan

Rhian's Point of View

"Thank you nga pala sa pagsama dito sa aking anak sa mall, pasensya na din kung nagpasaway siya sa'yo." Nahihiya kong saad kay Liam.

"Naku! Ako nga dapat humingi ng pasensya sa'yo. Kung alam mo lang ang takot na naramdaman ko nang makita kong wala siya sa pwesto na pinag-iwanan ko."

Malungkot akong napalingon sa aking anak. Walang imik nitong nilalaro ang kanyang laruan. Ngayon lamang ito sumuway sa utos ng kanyang uncle Liam.

Si Logan kaya talaga ang nakita niya? Pero imposible, ano naman ang gagawin niya dito sa Spain.

"Kakausapin ko na lamang siya mamaya. Hindi naman sigurado kung ang daddy ba niya ang nakita niya."

Seryoso naman akong tiningnan ni Liam bago nilingon ang aking anak.

"Hmm kung ako sayo, ipagtapat ko na sa bata ang tungkol sa daddy niya. Matalino ang anak mo kaya maiintindihan niya ang sitwasyon ninyo."

Natigilan ako sa sinabi niya. Hindi pa ako handang sabihin sa aking anak ang lahat, ngunit maaring tama siya. Matalino ang aking anak, alam n