Chapter 60 - Buhay ang nawala, Buhay din ang kapalit.

Third Person's Point of View

"Pagsisisihan mo ito, Logan!" Galit na usal ni Vera. Ngayon ay nakaramdam siya nang matinding galit para sa lalaki.

Napaismid lamang si Logan sa sinabing iyon ni Vera. Tahimik lamang niyang pinanuod si Mr. Mondragon habang dinadakip ito ng mga pulis.

Nagpaiwan naman sa ospital si Logan, nais niyang kausapin ang dalaga tungkol sa bata.

"Mommy, gumawa ka nang paraan para hindi makulong si daddy!" Umiiyak na usal ni Vera. Nawalan na siya ng anak at hindi niya makakaya pa kung makukulong ang kanyang daddy. "Logan, honey. Please! Huwag mong ipakulong ang daddy ko."

"Iho, baka naman pwede natin itong pag-usapan, alang-alang sa aking anak. Nawala na ang anak ninyo ni Vera baka hindi niya makayanan pati ang makulong ang kanyang ama." Nakikiusap na usal ni Divina kay Logan.

Nangunot naman ang noo ni Logan sa sinabi ng ginang. Tumingin siya kay Vera, halo-halo na ang emosyon nito.

"Ano ho ang ibig ninyong sabihin?"

"Mabuti pa ay kayo na lamang ang mag-usap ng a