Chapter 61 - I miss You, Sweetheart

Rhian's Point of View

"Mommy, hindi pa ba uuwi si daddy?" Maya-maya pa'y tanong ni Zane sa akin.

Sinamahan ko muna siya sa kanyang kwarto at kanina pa siya naghihitay sa pagbalik ni Logan. Nakasuot na ito ng damit na pantulog ngunit ayaw pa nitong matulog dahil hinihintay niya ang pagbalik ng kanyang daddy.

Napangiti ako sa aking anak. Kahit antok na antok na ito ay pinilit pa rin na iminumulat ang kanyang mga mata.

"Matulog ka na, anak. Siguradong pauwi na rin naman ang daddy mo." Nakangiting saad ko habang inaayos ko ang kanyang kumot.

"Sabi ni daddy babalik siya agad, pero hanggang ngayon wala pa rin siya." Malungkot na usal ni Zane. Umayos na ito sa kanyang paghiga. Marahil ay hindi na nito makayanan ang antok.

"May mahalagang inaasikaso kasi ang daddy mo, anak. Intindihin mo na lamang siya."

Marahan naman tumango sa akin si Zane.

"Okay po, mommy. Matutulog na po ako." Malumanay na saad ni Zane at saka unti-unti niyang ipinikit ang kanyang mga mata.

"Good night, sweety." Bulong k