Chapter 60

SHAINA

Kailanma'y hindi na mawawala sa isipan ko na 'yon ang sinabi ni Ma'am Camille sa akin tungkol sa bilin sa kanya ng mommy ni Jacob. Ipapangalan sana ang Luis Hector kay Jacob ngunit hindi nangyari dahil sa lola niya. Upang matupad pa rin ang pangakong 'yon ng mommy ni Jacob sa anghel na nagpakita sa kanya sa panaginip ay kailangan pa rin na gawin 'yon. Dapat ipangalan sa magiging anak niya na lalaki. Kapag nangyari 'yon ay natupad na nga ang pangakong 'yon ng mommy niya sa anghel na ang pangalan ay Luis Hector.

Hindi na nga ako nagpatuloy pa sa pag-inom ng pills na iniinom ko dati. Sinunod ko na lang ang gusto niyang mangyari. Natatakot ako sa posibleng mangyayari sa pagtigil ko sa pag-inom ng pills ngunit wala naman akong magagawa. Kung tanggihan ko siya ay mas nakakatakot ang posibleng mangyari. Saan ako lulugar, 'di ba? Kaya kailangan ay may gawin ako at 'yon ang sundin ang nais niyang mangyari. Bahala na talaga. Bahala na ang Diyos kung ano talaga ang nais niyang mangyari pa