Chapter 61

SHAINA

Huminga ako nang malalim at lumunok nang sunod-sunod ng aking laway matapos 'yon. Hindi ko talaga alam kung ano ang isasagot ko sa tanong niyang 'yon. Pakakasalan ko na ba siya? Handa na ba akong maging ina ng mga magiging anak niya? Oh, no! Ayaw ko pa na maging isang ina sa totoo lang. Hindi pa ako handa sa bagay na 'yan. Mahirap maging isang magulang.

Naghihintay siya sa isasagot ko sa kanya. Kailangan ay may maisagot ako kaya ang ginawa ko ay nagsalita pa rin ako. Hindi puwedeng hindi.

"Napakalaking responsibilidad ang pagiging isang magulang, baby. Sa edad kong 'to ay baka hindi ko pa kayanin ang ganoon na responsibilidad, eh. Marami pa akong gustong gawin sa buhay ko lalo na sa pamilya ko. 'Pag kasi ay naging isang magulang na ako ay baka hindi ko na magawa o matupad ang mga pangako ko sa sarili ko at pamilya ko. Mahal kita, baby. Kung ikaw talaga ang lalaking nakatadhana na makasama ko sa habambuhay ay pakakasalan talaga kita, eh. Gusto kitang pakasalan pero hindi muna