Chapter 91

SHAINA

Natahimik ako sa mga sinabi sa akin ng boyfriend ko na si Jacob. Hindi ako nakapagsalita sa totoo lang sa harapan niya. Umiwas muna ako ng tingin sa kanya ngunit nakikita ko sa peripheral vision ko na seryosong tinititigan niya ako habang hawak-hawak pa rin niya ang mga kamay ko.

Walang ibang laman ang isipan ko kundi ang mga sinabi niyang 'yon sa akin lalo na ang pananakot sa kanya ni Isabel na kapag tumanggi siya sa kagustuhan nito na makasama siya ay sisirain nito ang magandang imahe at reputasyon niya sa tulong ni Mr. Chavez at hindi lang 'yon ang puwedeng gawin nito sa kanya. Puwedeng mawala ang lahat ng mayroon siya kapag tumanggi nga siya.

Hindi ako makapaniwala sa mga sinabing 'yon niya.

Kaya rin pala ganoon na lang ang pakikitungo ni Ma'am Camille na pinsan niya sa akin dahil sa gusto nitong pumayag na lang si Jacob sa nais mangyari ni Isabel dahil natatakot siya sa posibleng mangyari kapag tumanggi si Jacob. Naiintindihan ko siya sa puntong 'yon sapagkat kahit ako sig