Chapter 97

JACOB

Hindi na nawala sa isipan ko ang sinabing 'yon ni Kuya Alfred sa akin. Puwede ko naman ngang gawin 'yon ngunit kailangan may tutulong rin sa akin. I can't do it alone. Kailangan may katulong ako. Tama si Kuya Alfred ba't hindi ako magpatulong sa Ninong Ramon ko, 'di ba? Magaling siyang abogado. Siguradong matutulungan ako niya. Matutulungan rin niya ang mga taong nabiktima ni Mr. Chavez.

Habang nasa loob ako ng opisina ko ay pinag-isipan ko nang mabuti kung gagawin ko talaga 'yon.

Naisip ko pa na kung hindi ko gagawin 'yon ay ako ang matatalo sa laban na 'to. Hindi dapat ako matalo nila. Hindi dapat sila magtagumpay laban sa akin. Kailangan na ako ang magtagumpay. Tama naman si Kuya Alfred na kung mawalan si Isabel ng tutulong sa kanya ay hindi na niya ako matatakot pa. Kaya naman malakas ang loob niya na takutin ako dahil sa kaibigan niya si Mr. Chavez. Kung mawala ito ay mawawalan na siya ng lakas ng loob na gawin ang masamang plano niya. Kailangan na mawala si Mr. Chavez. Kap