Chapter 30

Lisa POV

“Hmm. . .” Isang hummed lang ang lumabas sa aking mga labi. Ang pagtutol sana na nais kong gawin ay naging isang pag-ungol.

Hindi gumalaw ang mga labi niya na nasa labi ko. Kung siya naka-pikit ako naman dilat na dilat at nanlalaki ang mga mata sa ginawa niya.

Sa bigla, wala akong mahagilap na kahit na anong salita o kahit na anong gawin sa pagkabigla ko.

Should I push him? Malakas ba dapat? Nagtatalo ang isip ko sa dapat kong gawin. Ngunit ang katawan ko. . . ayaw nitong sumunod na para bang nasisiyahan sa pagkakataong ito. Sa init na pinadadama ng katawan niya.

Mula sa pagkakatukod ng mga kamay niya sa balikat ko, ngayon ibinaba niya na ang mga ito. Mas ramdam ko ang mainit at matikas niyang katawan sa aking ibabaw. Alam kong malaki ang katawan niya at kitang-kita naman iyon sa angas niya ngunit ngayon . . . wala akong maramdaman dahil na rin siguro sa sinusuportahan niya ang bigat niya para hindi ako mapisa sa ilalim nito na sigurado ako na mangyayari kung nagkataon.