Kabanata 101

NATALIE POV

Nang makatulog na ang kambal ay nag-set naman ng kaunting maiinom namin si Colton, pinapunta ko din si Maria para makisalo samin, may mga bagay din kaming dapat pag-usapan tungkol sa mga ibibilin ko sa kanila tungkol sa mga gagawin nila sa aking negosyo sa pagbalik nila ng Amerika. May mga email din kasi akong natanggap mula kay Charles na may mga clients kaming gustong mag-dagdag ng kanilang mga ipapagawa sa ilalim ng The Ligthen-Er Corporation.

Nagkaniya-kaniya na kami ng upo s bar counter sa bahay. Bago namin simulan ang tungkol sa negosyo ay nagkwentuhan na muna kami ng mga kaganapan sa burol ni mommy, seryoso akong nakikinig sa mga kinukwento nila tungkol sa mga sinasabi ni Daddy at nila Manang Luming tungkol sa akin. Aniya nila bago daw pumanaw ang mommy ay wala itong bukang bibig kundi ang pagnanais nitong makita ako.

“Alam mo Natalie ang sabi pa ni tito sabi daw ni tita, proud na proud sila sa lahat ng naging achievements mo sa buhay. “Sabi ni Colton sakin