Chapter 30

SA anim na taong nasa ibang bansa si Dylan ay akala niya dahil lang ito sa galit sa kaniya ni Zoe kaya mas pinili nitong lumayo at iwan ang lahat sa Pilipinas. Hindi niya alam na may mabigat pala itong dahilan.

Ang daming tumatakbo sa isip niya katulad na lang ng bakit ngayon niya lang na-realize ang lahat? Bakit kung kailan nagsisimula na namang magbago ay guguluhin muli siya ng kaniyang mga nalaman? Bakit nagawa ni Zoe na ilihim sa kaniya ito lahat?

Noong unang beses na may nangyari sa kanila ni Zoe ay akala niya ay walang mabubuo. Hiyang-hiya si Dylan na harapin ang dalaga kaya mas pinili niyang iwasan ito. Alam niyang may mali sa araw na 'yon dahil parehas silang nakainom.

Bakit hindi niya ito kaagad naisip?

Unang kita pa lang ni Dylan ay alam niyang iba na ang nararamdaman niya kay Dykeil. Sa pangalan pa lang nito ay ramdam niyang kadikit niya na ang bata. Mula pa lang sa kahit na simpleng gawain ay magkapareho sila ni Dylan. Ganoon ba siya talaga kawalang muwang at pati ang sari