Chapter 72

Katulad ng sinabi ng mag-asawang Benito ay nagtungo kami sa dalawa pa'ng lupain na pagtataniman ng mga cacao.

Halos isang oras ang layo nito sa mansyon, kaya naman habang nasa byahe ay naipapaliwanag ko na sa kanila ang ilang mga bagay tungkol sa negosyo.

"We'll going to visit Hacienda Miraflor one of these days," nakangiting saad ni Ginoong Alfredo.

Marami silang tanong tungkol sa hacienda, kaya hindi maiwasan na mailwento ko sa kanila ang tungkol sa pag-ibig ni Arman sa akin, na naging dahilan upang mailipat sa pangalan ko ang buong ari-arian nito.

Hindi ko na dinetalye pa iyon dahil naiilang ako kay Mateo. Kapatid niya si Arman at hindi ko maiwasan ang isipin na hindi ko sinasadyang magkaroon ng relasyon sa kanilang dalawa.

"Matapos mamatay ni Arman ay hindi ka na umibig muli?" tanong ni Ginang Lorie, na nakaupo sa tabi ng asawa nito. Kami ni Mateo ay nasa likod nila at sa unahan naman si Manong Elmer at isang babae na ayon sa mag-asawa ay sekre