Chapter 74

Alas-tres na nang hapon nang makarating kami sa resort.

Benito Island Resort. Iyan ang nakasulat sa malaking karatula sa ibabaw ng malaking bukas na gate.

May ilang mga sasakyan doon na para sa turista katulad ng sumundo sa amin noon ni Mateo sa pantalan.

Mayroong mga kubo at tatlong palapag na hotel building kung saan maaaring manatili ang mga bisita.

Mabagal lamang akong maglakad sa maliit na batong inaapakan ko sapagkat pinagmamasdan ko ang buong resort.

"Maligayang pagdating po sa Benito Resort, Miss Cassandra and Mr. Mateo. Ako nga po pala si Jasmine, ang mag-a-assist sa buong stay ninyo dito sa resort." Ang tinig ng isang isang maganda at matangkad na babae, na lumapit sa amin, ang nagnakaw ng atensyon ko.

Wala sana akong balak na matulala sa kan'ya kun'di nabigla ako sa halos lumantad nang pisngi ng kan'yang dibdib sa masikip nitong uniporme.

Mayaman ang mag-asawang Benito, pero bakit naman tila matipid sa damit ang babaeng ito