Chapter 80

Unti-unti nang nakikita ang mga bituin sa kalangitan nang makalabas ako sa resthouse. Inilibot ko ang mga mata at natagpuan sa buhanginan malapit sa alon ng dagat si Mateo.

Nakatayo siya doon talikod sa akin. He is actually throwing stones into the sea.

Hindi ko tuloy alam kung tama ba na lumapit ako ngayon. 

I am sure he's mad at me. Mayroon kaming usapan at huli na ako ng isang oras.

Tatalikod na sana ako at babalik sa resthouse nang makita ko si Jasmine mula sa hilera ng mga kainan. Naglalakad ito palapit kay Mateo.

Bumalik ako at mabilis na humakbang patungo sa tabi ni Mateo upang maunahan ko ito.

Mula sa aking gilid ay nakita ko ang pagtigil nito sa paglalakad at ilang sandali pa bago tumalikod at maglakad pabalik.

Nang makalayo ito ay saka lamang ako tumingin kay Mateo.

Hindi niya ako tinapunan ng tingin pero alam kong naramdaman niya ang presensya ko.

Pinagmasdan ko siyang magtapon ng bato sa dagat n