Chapter 85

Napagpasyahan kong makipagkita kay Mateo sa Top Hill Park. Mapait ang alaala ko sa tuwing dumaraan ako sa lugar na ito at ayokong madagdagan pa ang lugar na matatakot akong bisitahin, dahil may posibilidad na mabahiran ito ng masamang alaala ulit.

Nang makapag-park kami ni Kuya Joel ay kaagad kong inilibot ang mata sa paligid. Nakita ko siya sa dati naming pwesto. Nakatayo ito at pinagmamasdan ang tanawin sa ibaba ng burol.

Lakas loob ko siyang nilapitan bitbit ang folder na mula kay Attorney Sheldon.

"Mateo."

Tumingin siya sa akin gamit ang nagsusumamong mga mata. Hindi pa man ako nagtatanong ay tila nakikiusap na siya.

Nagkaroon bigla ako ng hinala. Walang rason ang mga titig niyang ito dahil hanggang sa mga oras na ito ay hindi ko magawang paniwalaan na mayroon siyang kinalaman sa mga plano ni Veronica. 

"Sandra," he said, as if pleading with me for something.

Tumabi ako sa kan'ya at ilang sandali din na pinagmasdan ang