Chapter 87

Sa isang pribadong restaurant kami nakipagkita kay Mateo. Napapagitnaan ako ni Lesie at Attorney Sheldon sa lamesa, tila ba pinoprotekhan ako laban kay Mateo, na nakaupo sa aming harapan. Kahit anong gawin nilang pagprotekta sa akin ay nasaktan na ako at patuloy na nasasaktan.

Mugto ang mata ni Mateo. Makikita sa kan'yang mukha ang kakulangan ng tulog at pahinga.

Binabagabag na kaya siya ng konsyensya niya?

"We invited you to this dinner so that we could talk about Veronica and the hacienda."

Kahit pa nagsalita na si Attorney ay tutok pa din sa akin ang mga mata ni Mateo. Gusto kong isipin na nasasaktan din siya dahil sa totoong mahal niya ako, ngunit sinong niloloko ko? Kung anuman ang rason ng kalungkutan sa kan'yang mga mata at sa paraan ng titig niya sa akin, sigurado akong hindi iyon pareho sa akin.

Hindi siya sumagot kaya namutawi ang katahimikan sa amin. Bumuntong hininga si Attorney at nagpatuloy.

"Nagsisisi ka ba na nakipagsabwatan