Chapter 95

Ikatlong beses ko na sigurong paulit-ulit na binabasa ang papeles na nasa aking lamesa. Halos tapos na ako sa aking gawain ngayong umaga dahil binakante ni Lesie ang kalahati ng araw ko, ayon na din sa utos ni Attorney. Gayunpaman, hindi ko pa rin pinupuntahan si Mateo sa opisina nito. Sa tingin ko nga ay nauna na itong pumunta sa Hacienda Miraflor, mabuti naman.

Pasado alas-dose na kaya lumabas na ako upang ayain sana si Lesie na kumain ng lunch, subalit mukha ni Mateo ang nabungaran ko pagbukas ng pintuan. Tila ito kakatok pa lamang.

Sandali kaming nagkatitigan, pero ako na ang unang bumitaw. Hinanap ng aking mata si Lesie na abalang ayusin ang kwelyo ng longsleeve polo ni Attorney Sheldon.

"Nag-lunch na kayo?" tanong ko sa dalawa.

"Hindi pa, sama ka na sa amin. Kakain kami sa labas," alok ni Lesie na mabilis ko naman pinaunlakan.

"Sumama ka na din Mateo, para sabay na kayo ni Sandra patungong hacienda." Pero mabilis kong pinagsisihan ang pagpaya