Chapter 97

Nang matapos ang araw ay inanyayahan ulit ako ni Manang Dory na sa mansyon matulog. Pumayag ako, dahil nais ko rin makapagpahinga na kaagad. Isa pa'y wala pa din si tatay sa bahay. Nais ko din isipin na babantayan ko si Mateo ngunit kanina pa ako binabalot ng konsyensya nang makita ko itong maglipit ng mga damit.

"Bakit kaya uuwi si Mateo?" tanong ni Manang sa akin habang inihahanda nito ang aming hapunan.

Tumigil ako sa pagtipa sa aking laptop at saglit na natulala sa kan'ya.

"Kasalanan ko yata manang. Nagkasagutan kasi kami kanina." Napatigil ito sa ginagawa at tumabi sa akin sa upuan.

"Narinig ko nga. Naiintindihan ko naman kung saan ka nanggagaling hija, pero sana magkaroon kayo ng pagkakaunawaan ni Mateo, lalo pa't magkasama kayo sa iisang trabaho." Tama si manang. Sinabi ko na din kay Mateo noon na maging sibil na lamang kami sa bawat isa ngunit hindi ko napigilan na lantaran pa din na mag-akusa sa kan'ya.

"Nakakapagtaka lang po kasi na narit