Chapter 98

"Wala pa din si Mateo," ani Lesie nang isauli niya sa akin ang mga papeles na dapat ay dumaan muna kay Mateo.

Tatlong araw na itong hindi nag-re-report sa opisina. Ayon kay Attorney ay nasa ospital ang mommy nito.

"Nag-email siya sa akin na baka this day ay pumasok na siya, pero urgent ang mga papers na iyan kaya pirmahan mo na."

Tumango ako sa kan'ya at bumalik na sa trabaho. Higit kaming abala ngayon sa mga gawain kaya mabuti nang walang oras si Lesie upang makichismis sa buhay ko.

Bago mag-lunch break ay pumasok na nga si Mateo. Nalaman ko iyon dahil dumiretso siya sa opisina ko.

Bakas sa mga mata nito ang kakulangan ng maayos na tulog. Marahil ay labis siyang napagod sa pagbabantay sa ina at pag-alala na rin.

"Can I talk to you for a while?" tanong niya habang nakadungaw ang ulo sa pintuan.

"Yes, come in." Pumasok ito. Umupo siya sa swivel chair na nasa aking harapan. Tungkol naman siguro sa hacienda ang pag-uusapan namin.