Chapter 106

Hindi pa man sa akin sinasabi ni Troy ay alam ko nang kay Lesie niya nalaman kung saan ang eksaktong lokasyon ko dito sa isla. Ito na rin marahil ang nag-book ng isang kwarto sa villa para sa kan'ya.

Masaya sana'ng narito siya dahil alam ko na naging abala ito sa trabaho, at magandang tulong ang pagbabakasyon niya dito sa isla upang mapakawalan ang stress na pinagdaanan ng kan'yang isipan mula sa negosyo nila. 

Subalit tila hindi katulad ng nailalarawan ko sa aking isipan ang mangyayari. Sa mga naghahamong titigan pa lamang ni Mateo at Troy ay malabo nang maging maganda ang pag-stay namin dito nang magkakasama.

Hindi ko maaaring iwasan si Mateo para kay Troy dahil magkatrabaho kami, katulad nang hindi ko maaaring iwanan na lamang basta si Troy dahil kabigan ko siya.

"Hotdog?"

"Egg?"

Magkasabay nilang iniabot sa akin ang plato ng hotdog at itlog. Kasunod nito ay ang naglalabanan nilang mga tingin sa bawat isa.

Hindi ko talaga mainti