Chapter 107

Maulan ang umaga ng sumunod na araw. Akap-akap ang sarili dahil sa lamig, bumaba na ako ng hagdanan. Nakaka-isang baitang pa lamang ako ay naririnig ko na ang pagtatalo sa ibaba. Binilisan ko ang paghakbang pagbaba.

Naabutan ko sa salas si Mateo at Troy. Pareho silang magulo ang buhok at damit. Sa madaling sabi ay mga bagong gising ito.

"Magkasama tayo kagabi paakyat dapat dyan sa taas dahil mag-so-sorry tayo kay Cassandra, pero hinila mo ako dito sa upuan!  Nahiga ka at niyakap ako! So don't blame me if you wake up hugging a man!" Nangangalaiting sigaw ni Troy.

"Wala akong maalala na niyakap kita. Sabi ko 'just a minute, magpahinga muna tayo dito sa salas'. Sumandal ako dito sa sofa tapos nagising na lang ako na magkayakap tayo!" sagot ni Mateo pabalik.

Nakahalukipkip akong pinagmamasdan silang magpalitan ng mga salita. Hindi pa rin nila napapansin ang presensya ko kung hindi ako malakas na tumikhim.

Tila sila nakakita ng multo sa gulat. Sery