Chapter 100

Dalawang araw na tumagal ang seminar at workshop para sa mga magsasaka, kagaya ng nasa plano. Kaya sa ikatlong araw ay umuwi na ang mga bisita kabilang na si Bia. Nagpaiwan ako upang personal na makita at malaman ang mga pangangailangan pa ng plantasyon.

"Mabuti naman at hindi ka pa umuwi." Lumapit sa akin si Ginang Lorie at inilagay ang isang fruitshake sa aking lamesa.

Nasa dalampasigan ako sa resort at gumagawa ng report. Kailangan ko itong ma-i-send mamaya kay Lesie. 

"Gusto ko po kasi na maging hands-on sa plantasyon natin dito."

Ngumiti si Ginang Lorie at nakipagkwentuhan pa sa akin ng ilang sandali bago ako iwanan doon.

Naging abala ako sa paggawa ng trabaho sa buong maghapon. Magdidilim na nang matapos ko ito.

Tinanaw ko ang burol mula sa kinatatayuan ko. Maliwanag na doon. Hinihiling ko lang na sana'y mayroong ibang tao dito. 

Maaga pa naman para sa hapunan kaya napagpasyahan kong pumunta muna sa itaas ng burol upan