Chapter 102

Paulit-ulit sa isipan ko ang naging pag-uusap namin ni Mateo. 

Pilit kong inilalagay ang sarili sa sitwasyon niya, at sa tuwing naiisip ko iyon ay alam kong hindi ko kakayanin. I can't imagine growing up without feeling loved.

Pero sa nakikita ko ngayon ay malakas siya. Masaya pa itong makipag-usap sa mga magsasaka na animo'y walang kahit anumang problemang iniinda. Propesyonal nga talaga siyang tunay. 

Natapos namin ang paglilibot sa dalawang plantasyon sa umaga at ngayong hapon naman ay dumayo kami sa pinakamalawak na taniman sa isla.

Halos lahat ay nagsisimula na sa pagsasaayos ng lupang pagtataniman, kasabay nang paglalagay ng bakod sa paligid.

"Sa susunod po na linggo ay maipapadala na ang mga punla dito." Narinig kong sabi ni Mateo sa mag-asawa. Inasikaso niya na pala iyon habang wala ako sa opisina.

Bago kami pumarito ay dumaan na din kami sa lokal na komunidad na siyang mag-su-supply ng natural na pataba sa lupa. Malaking t