Chapter 94

"Sandra, conference room tayo. Nagpatawag ng emergency meeting si Sheldon," biglaang sabi sa akin ni Lesie kaya sumunod ako sa kan'ya patungong conference room.

Sa loob ay naabutan ko si Attorney Sheldon na masinsinang kausap si Mateo.

Ano pa'ng ginagawa niya dito?

"Ano'ng meron?" tanong ko.

Isa-isa nang pumasok sa loob ang natitirang board members. Wala doon si Mr. Morales na ilang araw nang hindi nagpaparamdam, simula nang makulong si Veronica.

"We have a new investor." Bakas sa mukha ni Attorney ang galak nang ibulong niya ito sa akin.

Hindi na ako nagtanong pa at piniling maupo na lamang. Hinintay namin na makompleto ang mga tao sa loob kabilang ang department heads upang masimulan na ang meeting.

"Magandang umaga para sa isang magandang balita. Alam ko na malaking problema ang kinakaharap ng ating kompanya, subalit hindi tayo tumigil sa paghahanap ng solusyon para malutas ito. Nagpapasalamat ako sainyo, lalong-lalo na kay Cassand