“YNZO BABY, PLEASE let’s talk!” pangungulit ng malanding impakta sa labas ng bahay ng mag-asawang Ynzo at Veron.Halos tatlong araw ring hindi pumasok sa opisina si Ynzo dahil sa pagkahilig nito kay Veron. Walang ibang ginawa si Ynzo kundi ang pahigain ang asawa at haplusin ang tiyan nito. Tila ba naadik na si Ynzo sa pag-alon ng tiyan ni Veron. Halos maubos ang oras ng lalaki sa pagkausap sa munting anghel sa sinapupunan ng asawang babae na tila ba totoong may sanggol sa tiyan nito.Kaya naman gano’n na lang ang pagtawag at paghahanap dito ni Anika. Halos araw-araw itong bumibisita sa bahay nila at tila ba eskandalosang kabit na panay ang pagsisigaw sa labas ng kanilang gate. “Nand’yan na naman ang baliw mong secretary,” nakataas ang kilay na untag ni Veron sa asawa. “Hayaan mo lang siya diyan, magsasawa rin ’yan,” tila balewala lang na tugon ni Ynzo at muling ngumiti sa kaniyang tiyan na para bang nakikita rin ng sanggol sa loob ang reaksyon nito.“Para kang baliw diyan. Sige na,
“VERON, PUWEDE MO bang ihatid si Miss. Javier sa labas? Mag-uusap lang kami ng anak ko,”muli ay utos ni Ginoong Tolledo.Lihim na nagkatinginan sina Ynzo at Veron. Tanging simpleng pagtango lamang at banayad na pagpisil sa palad ni Veron ang nagawa ni Ynzo na tila ba sinasabing, ‘Sige na, Wifey. Control yourself muna, ha. I love you!’Bantulot namang napasunod si Veron. Bakit tila yata nais niyang maiyak sa pagkakataong ito? Sa hitsura ng mga magulang ni Ynzo ay napakalayo ng imahe ng mga ito ngayon kumpara noong mga nakaraang buwan na nakasama nila ito. Pakiramdam ni Veron ay mas kinakampihan pa ng mga ito ang Anika na iyon dahil lang sa hindi pagpasok ni Ynzo sa opisina ng ilang araw. Ayaw kasi ng mga magulang ni Ynzo na makarinig ng mga negatibong bagay hinggil sa ginagawa ng kaniyang asawa. Nais pumatak ng mga luha ni Veron. Dati-rati naman ay napakatapang niya at hindi mababaw ang kaniyang mga luha pero bakit ngayon ay tila yata tinatraidor siya ng sariling mga luha?“Ouch! Masak
“HUBBY, SIGURADO KA na ba?” nag-aalalang tanong ni Veron. Hindi niya alam kung bakit ngayon pa lang ay nais na niyang umatras sa imbitasyon ni Mr. Thurn na makisalo dito sa isang kainan. Hindi kasi maalis-alis sa isipan niya ang nilalaman ng CCTV footage na ipinakita sa kaniya ni Doktora Sweet. Sa dinami-dami ng laban na napuntahan niya noon ay kataka-takang ngayon pa nabahag ang kaniyang buntot. Iba kasi ang kabang nararamdaman niya ngayon. Hindi mapakali si Veron habang nag-aayos na sila ni Ynzo dahil maya-maya lang ay aalis na sila upang paunlakan ang imbitasyon ng matandang demonyo. “Wifey, ngayon pa ba tayo aatras? Tandaan mo, darating at darating ang panahon na makakaharap mo ang matagal mo nang kaaway. Ngayon pa lang na alam na nating posible ngang alam na niya ang lahat ng plano natin, ito na ang pagkakataong hinihintay natin,” tugon ni Ynzo at pinakatitigan siya sa mga mata. “Nandito na tayo, oh, ang kailangan lang nating gawin ay ang harapin siya. Wifey, kailangan nating h
ILANG ARAW RING nanatili sina Ginoo at Ginang Tolledo sa bahay nina Ynzo at Veron dahil maging ang mga ito ay nalibang na rin sa pakikipag-usap sa tiyan ng huli. Kitang-kita sa hitsura ng dalawang matanda kung gaano kasabik ang mga ito na magkaroon na ng apo upang may makalaro na rin naman at may mag-ingay sa malaking bahay ng mga ito. Sinulit ng dalawang matanda ang ilang araw na pananatili sa kanila bago umuwi ang mga ito. Laking pasasalamat ni Ynzo dahil umuwi na rin ang mga magulang bago pa man dumating ang araw ng imbitasyon ni Mr.Thurn.Sakay ng kulay itim na kotse ay magkatabing tinahak ng mag-asawa ang daan patungo sa isang five-star hotel. Nakasuot si Veron ng kulay itim na dress at flat sandals. Habang binabaybay ang daan ay iniisip ni Veron kung ano na naman ba ang bagong pakulo ng demonyong iyon. Tinitigan niya si Ynzo at seryoso lang itong nagmamaneho. Mahusay siyang mangilatis ng reaksyon ng isang tao ngunit hindi niya mabasa ang anumang reaksyon sa kabuuan ng asawa. Nan
NAPANGISI SI YNZO nang dahil sa narinig. Nais kabahan ni Veron ngunit pinanatili niyang kalmado ang sarili.“Why, Ninong? Mukha ba kaming magkarelasyon ng Nazareno na ’yon? ’Di hamak naman na mas guwapo ako do’n,” pagyayabang ni Ynzo sa kaharap.Napakunot-noo naman si Veron at bumaling sa asawa. “Sino ba ’yon, Hubby?”“H’wag ka nang magtanong, hija. Sa hitsura mong iyan mukhang ikaw lang itong walang kamuwang-muwang sa mundo naming mga business man,” pagsingit ni Mr. Thurn. Sa loob-loob ni Veron ay hindi niya nagustuhan ang tabas ng dila ng matanda. Gusto na namang kumulo ng dugo niya sa taong ito na panay ang pagngisi sa harapan nilang mag-asawa. Kung hindi lang malakas ang kontrol niya sa sarili marahil ay kanina pa niya nasaksak ng hawak na tinidor ang matanda.Nakangiting binalingan ni Ynzo ang asawa. “Don’t mind him, Wifey. Anyway, Solomon Ace Nazareno is one of a kind. Hindi ko pa naman siya nakikita o nakikilala man lang but his name is very popular in the business world. Sabi
Kanina pa nagtitimpi si Veron. Sa dinami-dami ng masasakit na salitang binitiwan ng matanda ay wala siyang nagawa kundi ang pakinggan lamang iyon. Kumukulo ang dugo niya at nais nang paulanan ng bala ang katawan ng matanda ngunit kailangan nilang mag-ingat lalo na ngayong halos nakatutok sa kanila ni Ynzo ang lahat ng nguso ng baril na hawak ng mga tauhan ni Mr. Thurn. Kaunting galaw lang ay maaari silang maligo sa sarili nilang mga dugo.Sinenyasan ang mga ito ng matanda na ibaba ang mga armas at baril na hawak ng mga kalalakihang nakasuot ng purong itim na suit.“Hayaan niyo siyang magalit sa akin ngayon,” utos ni Mr. Thurn at muling humalakhak. Napipilitang ibinaba ng mga tauhan ang kanilang mga armas ngunit nanatiling mailap ang atensyon at pakiramdam ng mga ito kung sakali man na kumilos sila ng hindi kanais-nais sa harapan ng mga ito. Umiling-iling si Mr. Thurn. “Sayang ka pa naman, Ynzo. Kung sana ay ginagamit mo ang utak mo. Dito ka pa nagpakasal sa babaeng wala man lang maiha
“WHAT HAPPENED TO my wife? Bakit hindi pa rin siya nagigising?” tanong ni Ynzo kay Doktora Sweet matapos niyang dalhin dito ang asawa.“That’s part of the process upang makapagpahinga siya ng maayos. I warned her na alagaan ng mabuti ang sarili dahil mararanasan na niya ang tunay na pagbubuntis. Ano ba talaga ang nangyari?” nag-aalalang tanong ng doktora.Napasapo sa sariling mukha si Ynzo at tila ba yamot na yamot na ginulo ang sariling buhok. “Someone poisoned her. I don’t know what happened basta nakita na lang namin na dinudugo na siya at—” Tuliro siyang naglakad ng paroon at parito habang hindi alam kung ano ang sasabihin o gagawin. “Magiging okay naman ang asawa ko, hindi ba, dok?”Natigilan ang doktora nang makita ang biglang pagdaloy ng luha sa mga mata ni Ynzo. Punong-puno ng kalituhan at sakit ang mga mata ng lalaki habang panay ang pagsulyap sa natutulog na si Veron.Napatango-tango naman si Doktora Sweet. “Syempre naman at magiging maayos rin siya. Sa ngayon ay kailangan
HALOS MAMUGTO ANG mga mata ni Veron nang mapagtanto ang nangyari. Paggising niya ay nasa loob pa rin siya ng klinika ni Doktora Sweet. Naroroon pa rin ang asawa sa kaniyang tabi habang hawak-hawak ang kaniyang kamay. Nang malamang nawala na ang munting supling na inilagay ng doktora sa kaniyang tiyan ay halos nag-unahang maglandas ang luha sa magkabila niyang pisngi. Oo nga at hindi naman talaga totoo ang ipinagbubuntis niya ngunit ang pakiramdam ng pagkakaroon ng supling sa loob ng tiyan niya ay tila totoong-totoo sa kaniyang pakiramdam. Sa ikli ng panahon na naranasan niya ang bagay na iyon ay tila ba napamahal na sa kanila ni Ynzo ang imaginary baby na iyon. Ngayon pa lang ay pinipilas na sa labis na sakit ang puso niya. Nais niyang maglupasay sa pag-iyak at pilitin ang doktora na gawan siyang muli ng realistic baby bump ngunit sa pagkakataong ito ay masyado nang delikado ang ideyang iyon lalo pa’t siya rin naman ang naging dahilan kung bakit hindi nagtagumpay ang eksperimentong iy