Kabanata 103

"Tita, matagal na po akong hindi umiinom. Nakalimutan niyo na po ba na drunk driving ang naging kaso ko noong nakulong ako? Bakit iinom pa ako ulit?" Nakangiting sagot ni Ling Yiran na may sobrang galang na tono.

Nang marinig ang sagot ni Ling Yiran, ngumiti nalang ang tita niya, pero halatang nainsulto at napahiya ito.

"Ano ka ba. Iba naman ngayon no! Bagong taon ngayon at hindi ka naman magdadrive." Pagpupumilit ng isa niya pang tito.

"Tama ang tito mo! Kung hindi ka iinom, hindi ba parang binabastos mo naman ata kaming mga nakakatanda sayo?" Sabat ng isa niya pang tito.

"Tama na yan!" Biglang sigaw ni Lola Lu. "Mukhang pinakain niyo na talaga sa aso ang mga konsensya niyo. Gusto niyo ba talagang itulak si Yiran sa impyerno?"

Noong sandaling yun, parang may dumaang angel na tumahimik ang lahat at kagaya ng inaasahan, gulat na gulat na tumingin si Ling Yiran sa lola niya.

Tumingin si Lola Lu kay Ling Yiran at ipinaliwanag ang lahat, "Yiran, nababaliw na silang lahat. Gusto