Kabanata 99

Hindi na mabilang ni Ling Yiran kung ilang beses na niyang sinabi sa matandang babae na hindi niya boyfriend si 'Jin' at kapatid lang ang tingin niya dito, pero hindi niya makumbinsi ang matanda lalo noong nalaman nito na hindi talaga sila totoong magkapatid.

"Siguro hindi pa kayo ngayon, pero balang araw alam ko kayo yung magkakatuluyan. Anong sinasabi mong magkapatid kayo jan! Sinasabi mo lang yan!" Natatawang sabi ng matanda.

Sa tuwing kausap ang matanda, palaging humahaba ang diskusyon dahil ayaw ring magpatalo ni Ling Yiran.

Samantalang si Yi Jinli naman ay palagi lang ngumingiti kapag tinatawag na "boyfriend ni Ling Yiran" ng matanda.

Inupo ni Yi Jinli si Ling Yiran sa isang upuan na gawa sa bato, at sinabi, "Sobrang lamig. Hintayin mo ako dito ah. Kukuha lang ako ng pampatong mo."

"Mm." Walang tutol na pagpayag ni Ling Yiran.

Pagkabalik ni Yi Jinli dala ang sweater ni Ling Yiran, nakita niya na pinagkukumpulan ito ng mga babaeng nasa 40s na siguro ang mga edad, o mas