Chapter 55

Isang malalim at marahas na buntong-hininga ang pinakawalan ni Andrea bago sumagot sa mga katanungan na 'yon ng kaibigan niya na si Gretta kung ano'ng gagawin niya sa bouquet at chocolate.

"Hindi ko alam kung ano'ng puwede ko na gawin, Gretta. Ano ba sa tingin mo ang nararapat ko na gawin? Sasabihin ko ba kay Martin ang totoo na hindi tinanggap ni Ella Marie ang pinabibigay niya na bouquet at chocolate dahil sa pinagbabawal ng boss natin? Sasabihin ko ba 'yon sa kanya? Ibibigay ko ba ang mga 'to sa kanya? Sagutin mo ako, Gretta. Ano ba ang puwede ko na gawin? Nahihirapan ako na mamili kung ano'ng nararapat ko na gawin, eh," nakangusong sagot ni Andrea kay Gretta na napakamot tuloy ng kanyang ulo.

"Nakakainis ka sa totoo lang, Andrea," usal ni Gretta kay Andrea na napakunot-noo.

"Huh? Bakit naman? Bakit mo naman nasabi na nakakainis ako, huh? Ano ba'ng ginawa ko para mainis ka sa akin, huh? Nakakainis ba ang sinabi ko sa 'yo? May nakakainis ba doon?" tanong ni Andrea sa kaibigan na