Chapter 62

Kakatapos pa lang na mag-usap nilang dalawa sa kabilang linya ay nag-iinit na naman ang katawan ni Martin. Inalala niya ang huling pag-iisa ng kanilang katawan noong isang gabi sa loob ng kanyang sasakyan. Hindi na naman siya makapaghintay na sumapit ang gabi para puntahan si Andrea sa bahay nito. Nasisiguro niya na may mangyayari na naman sa kanilang dalawa mamaya. Nalaman niya na mag-isa lang naman ito sa bahay na tinitirahan niya kaya nagpasya siyang huwag na silang pumunta sa kung saan. Doon na lang siya tatambay sa bahay nina Andrea.

Wala namang nararamdaman na pagmamahal si Martin para kay Andrea ngunit magmula ng gawin nila ang bagay na 'yon ay para bang hinahanap na niya ito. Hinahanap niya ang pag-iisa ng kanilang mga katawan.

Naghihintay na si Andrea sa labas ng kanilang bahay nang dumating siya. Kaagad naman na bumaba si Martin sa sasakyan niya. Kanina pa kumakabog ang tibok ng puso ni Andrea habang hinihintay niya si Martin ngunit mas lalong bumilis pa 'yon nang dumating