Chapter 67

"W-what? Pumunta sa inyo si Martin? Ano'ng ginawa n'yo, huh?" nanlalaki ang mga mata na tanong ni Gretta kay Andrea nang sabihin nito na pumunta si Martin sa bahay nila noong weekend. Nasa loob sila ng opisina na pinagtatrabauhan nila na kompanya. Hindi pa naman sila nagsisimula na magtrabaho dahil wala pa naman na alas otso ng umaga. Malaya pa silang magkuwentuhan. Palagi maaga silang pumapasok na magkaibigan kaya hindi sila nale-late.

"Oo. Pumunta siya sa amin. Akala ko nga ay lalabas kami that night person nang malaman niya na ako lang ang mag-isa sa bahay namin ay sinabi niya na doon na lang siya tatambay. Hindi na raw kami lalabas," kuwento ni Andrea sa kaibigan.

"Talaga ba? Tapos ano'ng ginawa n'yong dalawa that night, huh?" usisa ni Gretta kay Andrea. Huminga muna nang malalim si Andrea bago sinagot ang tanong ng kaibigan niya na si Gretta na hindi na naman makapaghintay sa isasagot niya.

"Hinintay ko siya na dumating sa bahay namin. Nang dumating siya ay pumasok na kami sa ba