Chapter 64

"Hindi ka naman nangangamoy na mabaho, eh. Ang bango-bango mo pa rin kaya. Para ka pa ring bulaklak na napakabango," sabi ni Martin kay Andrea. Hindi maiwasan na kiligin ni Andrea sa sinabi na 'yon ni Martin sa kanya. Hindi naman 'yon masyadong nakakakilig para sa iba pero kinikilig siya. Kanina pa siyang kinikilig ngunit hindi lang niya pinapahalata kay Martin baka kasi mapansin nito na may nararamdaman siya. "'Wag ka na kayang maligo, Andrea," sabi pa nito sa kanya. Napangiti tuloy siya. Alam niya na biro lang naman 'yon sa kanya.

"Maliligo pa rin ako. Hindi ako sanay na hindi naliligo araw-araw. Baliw ka ba? Hindi ako ganoong babae na hindi naliligo araw-araw, 'no? Araw-araw akong naliligo, baka ikaw ang hindi araw-araw. Pambihira lang. Pinapaliguan lang ang sarili ng kung anu-ano na mga mamahalin na pabango. Tama ba ako?" sabi ni Andrea kay Martin na umasim ang mukha sa kanya.

"Hoy! Hindi ako ganoon, Andrea. Naliligo ako araw-araw. Gusto ko nga rin na maligo ngayon, eh, kahit nal