Chapter 57

"Bakit ngayon mo lang sinabi na hindi ka naman na pala makakapunta? Halos isang oras na akong naghihintay sa 'yo tapos ngayon ka lang tatawag sa akin para sabihin na hindi ka na makakapunta. Kung ganoon na hindi ka naman na pala makakapunta pa mabuti pa siguro na hindi na lang ako naghintay sa 'yo. Umuwi na lang sana ako," maluha-luha na sagot ni Andrea kay Martin na halu-halo ang nararamdaman dahil sa nalaman niya na hindi na makakapunta ang hinihintay niya. Kulang na lang ay magwala siya.

Napasinghap si Martin sa kabilang linya matapoa magsalita ni Andrea na ramdam niya na naiinis ito sa kanya dahil pinaghintay niya ito ng mahigit isang oras.

"Sorry talaga kung ngayon lang ako nakatawag sa 'yo, Andrea. Biglaan lang kasi, eh. May emergency lang kasi kaya kailangan ko na sabihin sa 'yo na hindi na ako makakapunta d'yan sa restaurant na palagi natin na kinakainan ng dinner. Hindi ko naman na intensiyon na pahintayin ka ng mahigit isang oras, eh. Pupuntahan naman talaga kita d'yan kaso