Chapter 20

"What are you talking about, hija? Ang sabi ni Glenda sa amin kanina ay sinagot mo na raw siya." Sabi ni Tita Camille.

"Baka nagtatampo ka lang sa anak namin dahil sa nangyari sa inyo kanina. Hindi niya naman intensiyon na gano'n ang mangyayari." Sabat ni Tito Rome.

Umiling-iling ako. "Hindi po ako nagtatampo at nagsasabi rin po ako ng totoo. Hindi ko siya sinagot at never ko siyang sasagutin pagkatapos ng ginawa niya sa akin. Pasensiya na po pero hindi ko po matatanggap ang anak niyo." Tumayo ako at kinuha ang aking bag. "Kung hindi niyo po mamasamain, uuwi na po ako sa amin."

Tatalikod na sana ako nang bigla akong hilahin ni Alexander. Napahawak ako sa upuan nang muntik na akong mawalan ng balanse.

"Bitawan mo nga ako!" Singhal ko sa kaniya at binawi ang aking kamay.

"Saan ka pupunta?" Tanong niya at muling kinuha ang aking kamay.

"Uuwi na ako sa amin. Ayokong makita ang pagmumukha mo! Nasasaktan ako!"

"Alexander!" Tawag ni Tito Rome sa kaniya kaya sabay kaming napalingon sa g