Chapter 19

Hinintay namin matapos kumain ang Mama ni Miguel. Bigla akong nawala sa mood dahil sa sinabi niya. Mas pinili niyang ihatid ako sa bahay ng mga taong kinamumuhian ko kesa hayaang manatili rito at samahan sila sa operasyon ng kaniyang kapatid. Hindi ko siya pwedeng sisihin dahil ginagawa niya lang ang trabaho niya. Inutosan siya ni Daddy kahapon at sinunod niya lang ito.

Nagpaalam muna kami sa Mama na ihahatid niya ako sa bahay ng aking boyfriend na si Alexander. Gusto ko siyang sumbatan at sabihin sa Mama niya na hindi ko boyfriend ang demonyong 'yon at ikwento sa kaniya kung ano ang ginawa ng lalaking 'yon sa akin kanina. Pero hindi ko nagawa dahil ayokong dumagdag ito sa iisipin ng kaniyang ina.

Nauuna ko sa paglalakad at nakasunod naman siya sa akin. Tahimik siya hanggang sa nakarating kami kung saan niya ipinarada ang sasakyan. Hindi ko na siya hinintay pa na pagbuksan ako ng pintuan.

"Uuwi ka pa ba sa inyo o didiretso na tayo sa kanila?" Tanong niya pagkatapos niyang buhayin a